البداية مع الفنان الكوميدي يوسف المغاري المعروف فنيا بيسار، واللي كيستعد لخوض جولة كوميدية من خلال سبيكتال "ولاد الناس"، وهو العرض الكوميدي المنفرد له بعد تجربة إيموراجي
جولة يسار غتحط الرحال ديالها فمدينة الرباط، نهار 02 نوفمبر بمسرح محمد الخامس بالرباط ، يسار بطابع كوميدي شيق كيتطرق في العرض ديالو لمجموعة من الظواهر الاجتماعية اللي كيعرفها المجتمع المغربي، إوا نتلاقاو نهار الخميس بمسرح محمد الخامس باش نفوجو جميع أو نشبعو ضحك مع يسار 

من الكوميديا للمجال الموسيقى، ومع "كونسير موروكو جينيرايشن"، واللي بمناسبة الاحتفال بالذكرى 48 للمسيرة الخضراء، كتنظم شركة سوس للتسجيلات وموفنبيك منصور الذهبي، بالشراكة مع YanPlay وFin imta وEcomsphere، الحدث الفني "أجيال المغرب" يوم الجمعة 3 نونبر، بقصر المؤتمرات بمراكش، تحت شعار: "المغاربة في الفرحة، ومغاربة في القرحة"
الحفل غيعرف مشاركة مجموعة من ألمع فناني المغرب، أبرزهم فاطمة تابعمرانت، سعيد الناصري، هدى سعد، ديجي كي،  أو الباتول المارواني 

أو نختمو لاجوندا ديال هاد الأسبوع بفاس فاشن شو، واللي غيتنظم نهار 4 نوفمبر بقصر الياقوت في فاس، إوا إلا كنتو مهووسين بالموضة وكل مايتعلق بالأزياء، ما عليكوم إلا تحضرو لفاس فاشن شو، واللي غيعرف حضور أسماء وازنة في المجال الفني فحال حاتم عمور، دنيا بوطازوت أو يوسف بنحاجو