Interview : Oumaima Amsaadi

L'ODJ Média

عرفنا على راسك .

أميمة أمسعدي، من مواليد 9 مارس 1991،مستوايا الدراسي ماستر في القانون العام و هوايتي الغناء و السباحة و مشاهدة الأفلام الوثائقية

علاش اخترتي المجال الفني ؟ .

حبي للمجال الفني بدا منذ الصغر فبديت كنغني و أنا في سن 12 سنة و تشبت بهاد الحلم حتى الآن

واش تبعتي دراسات أكاديمية أم هي فقط هواية ؟ .

درست بالمعهد الموسيقي "دار البارود" بمدينة سلا شعبة الصولفيج و الموشحات العربية وكذلك آلة العود

شنو هما الصعوبات اللي لقيتي في البداية ؟ .

مغنقولش صعوبات و إنما هاد المجال و كباقي المجالات كيتطلب من الإنسان يدير مجهود و يخدم باش يوصل. فمن بعد المشاركة ديالي في برنامج تعرفو عليا الناس و كان الوقت أنني ندير إصدارات جديدة و نجتهد أكثر باش ندير الإسم ديالي فالساحة الفنية The voice

واش المحيط ديالك ساندك فهاد الاختيار ؟ .

اكيد المحيط ساعدني في هدا الاختيار و أكبر مساند لي هو الأخ ديالي

شنو هو مصدر الإلهام ديالك ؟ .

بصراحة أنا مولوعة بالثراث المغربي و الأغاني القدام عامة حتى فاللون الخليجي

من بين إنتاجاتك، شنو اللي قريب أكثر إلى قلبك ؟ .

أغنية سامحي يا يما هي من أقرب الأغاني لقلبي لأن موضوعها الأم فغنيتها من القلب و خصوصا لأنها مزيج بين الدارجة و الأمازيغية

واش كاين إصدارات جديدة ؟ .

نعم هناك عمل جديد أصدرته الشهر الماضي والإسم ديال الأغنية الهاجرني

شكون الشخص اللي كتمنى التعامل معه ؟ .

بكل صراحة هما شخصين كيعجبني الفن اللي كايقدمو أولا الفنان العالمي سعد لمجرد الله يطلق سراحه والفنانة الكبيرة أسماء المنور

واش كتفكر في خوض تجربة التمثيل شي نهار ؟ .

سبقلي شاركت في الفلم المغربي القمر الأحمر و غنيت جنريك سلسلة مغربية الإسم ديالها الرحاليات كدوز حاليا على القناة الأولى بحيث العديد من الممثلين شافو باللي نقدر نعطي فمجال التمثيل أيضا. فكنتمنى إنشاء الله يكونو تجارب أخرى لما لا

شنو رسالتك للناس اللي عاد أيبداو؟ .

رسالتي لأي شخص يريد الاشتغال في المجال هو يتابع الدراسة ديالو و ميتخلاش عليها و بطبيعة الحال يقوم بدراسات أكاديمية في الموسيقى و المقامات الشيء اللي غيساعدو يتعرف على الألوان اللي ممكن يبدع فيها