عرفنا على راسك .

الموسم الأول Starlight يوسف بنحجو، من مدينة سلا، 23 سنة و فائز بلقب  

علاش اخترتي المجال الفني ؟ .

من صغري و أنا كنحب هاد المجال لأنه من خلاله كنعبر على ذاتي و كنلقى فيه راسي

واش المحيط ديالك ساندك فهاد الخطوة ؟ .

نعم، المحيط ديالي كان مساندني فهاد الخطوة و باقي إلى حد الآن بحكم أنني ترعرعت وسط عائلة فنية و الأب ديالي كان باغيني نكمل فهاد المجال

تبعتي دراسات أكاديمية أم هي فقط هواية ؟ .

فالأول كانت فقط هواية، لكن من بعد حاولت أنني نتعمق أكثر و نقرا الغناء باش نقدر نديرو كمهنة

باعتبارك فنان شاب كيشق طريقو فعالم الغناء، شنو هما الصعوبات اللي واجهوك فالبداية ؟ .

أي مجال كيكون فيه صعوبات في البداية، لأنه ماشي ساهل دير يسم ديالك فالساحة الفنية و الناس تولي كتعرفك فهذا كيتطلب مجهود كبير و الكثير من المثابرة

 و فزت باللقب، شنو استفدت من هاد التجربة ؟ Starlight تألقتي فبرنامج .

 التجربة ديال  مهمة بزاف و استفدت منها الكثير ماشي فقط في الشهرة لكن حتى من خلال النصائح ديال الفنانين الكبار اللي  سبقونا فالمجال فبالتالي قدرنا نكتسبو النضج الفني و نوليو عارفين أكثر شنو بغينا و الاستراتيجية المناسبة لكل واحد فينا

شنو هو اللون الموسيقي اللي كتلقى فيه راحتك اكثر ؟ . 

كيعجبني نغني جميع الألوان الموسيقية، لكن الألوان اللي كنلقا فيها راحتي أكثر كتبقى الخليجي و الشكوري

عرف لينا بأغنيتك الجديدة ؟ .

الأغنية ديالي الجديدة كتجمع مابين الأغنية الشبابية و الفن الشكوري و فنفس الوقت هي تجارية، من خلال هاد العمل حاولت نعبر على بعض المواقف اللي كندوزو منها فحياتنا وكنتمنا إنشاء الله الأغني الجايين يلقاو نفس الإقبال

واش كتوجد أعمال أخرى ؟ .

نعم، حاليا كنوجد أعمال أخرى باش نبقى دائما قريب من جمهوري و إنشاء الله نكون عند حسن ظنهم 

شكون الشخص اللي كتمنى التعامل معه ؟ .

بالنسبة لي أي فنان موهوب غيكون لي شرف نتعامل معه فالأهم هو نبينو الفن اللي كنقدمو في أحسن صورة

واش كتفكر فخوض تجربة التمثيل شي نهار ؟ .

 حاليا لا لكن إلى جات الفرصة بكل فرح

شنو رسالتك للناس اللي عاد أيبداو ؟ .

رسالتي للناس المبتدئين هي الصبر و المتابرة لأن هاد المجال كايحتاج بزاف ديال المجهود و الطموح فيصبرو و ما يستسلموش، مهما كانت العراقيل فالأخير اكتساب حب الناس كيبقى حاجة زوينة



: استمعوا إلى جديد الفنان يوسف بنحجوعبر الرابط التالي