L'accueil
عموما مستمعينا الجلطة القلبية كتجي نتيجة وجود خلل في تدفق الدم إلى القلب،بسباب تراكم الدهون و الكولسترول في الشرايين التاجية، الشيء اللي كيأدي لإتلاف جزء من عضلة القلب.
وغالبا ما كترافق الجلطة القلبية مجموعة من الأعراض فحال الدوار و الإحساس بحرقة المعدة أو هاد الحريق كينتشر ليشمل العنق و الرقبة و اليد اليسرى، كذلك التعرق المفرط والإصابة بتورم القدمين وأخيرا الشعور بألم أو ضغط في منطقة منتصف الصدر.
أما فيما يتعلق بالأسباب ديالها مستمعينا فهي متعددة تقدر تكون وراثية، أولا بسباب السكر و الكوليسترول لكن العالمل الرئيسي هو التغدية فكلما كانت ماكلتنا بعيدة على المقليات والذهون المشبعة كلما قلات نسبة إصابتكوم بيها.
إليكم مستمعينا الأغدية اللي كتساعدكوم للحفاظ على صحة القلب ديالكوم: أولا الحامض اللي معروف أنه كيقوي جهاز المناعة كما أنه مفيد بزاف في تحسين الدورة الدموية، ثانيا الثوم اللي غني بمركب الأليسين، وهو إنزيم مفيد لصحة القلب والأوعية الدموية وجهاز المناعة، وله تأثير مضاد لتخثر الدم، وأخيرا الافوكادو اللي كتحتوي على دهون صحية تقدر تقلل من خطر الجلطات القلبية بنسبة 21.
أو ف la santé mentale مستمعينا غنسلطو الضوء على واحد الاضطراب يعرف باسم اضطراب التكديس القهري أو obsessive compolsive disorder و اللي هو اضطراب اللي كيخلي الواحد ما قادرش يتخلص من الممتلكات ديالو سواء كانت عندها قيمة أو لالا.
و يتراوح معدل الإصابة بهاد المرض حوالي 2.6% بشكل متساو بين الرجال والنساء، مع ارتفاع معدلات الإصابة به في صفوف الأشخاص اللي كيتجاوزو 60 عاما وكذلك الأشخاص اللي كيعانيو من اضطرابات نفسية اخرى، كالقلق والاكتئاب.
الأعراض ديال هاد الاضطراب كتمثل فعدم القدرة على تنظيم الأشياء والممتلكات، ودائما ما كيكون المهووس حريس على التأكد في كل مرة من بقاء أغراضو فمكانها، كما أنه كيتحول لواحد عصبي بزاف إذا حاول شي حد يقيس ليه الحاجة ديالو أو لا يبغي يتسلفها من عندو.
الحل المساعد فالتخفيف من حدة هاد الهوس، بحيث أنه كيقدم ليه أساليب فهم ارتباطه بالأشياء من حوله أو كدلك كيساعدو فإيجاد طرق التخلص من الممتلكات غير الضرورية من دون الإحساس بالقلق والانزعاج.
أو نختمو مستمعينا care week لهاد الأسبوع ب skin care، وبالضبط على فوائد فيتامين c اللي كتساعد مضادات الأكسدة اللي فيه في تحفيز إنتاج الكولاجين الشيء اللي كيساهم بشكل كبير في تحسين ملمس الجلد أو كيخفظ من الخطوط الدقيقة والتجاعيد، كما أن الاستعمال ديالو بشكل دائم كيخلص من بقع الشمس و التصبغات ديالها.
كنكونو وصلنا لنهاية فقرة care week، نضرب ليكوم موعد la semaine prochaine أو مع طاقة إيجابية جديدة هادشي كامل على أثير إذاعة L’ODJ RADIO
Accueil
Envoyer à un ami
Version imprimable
Augmenter la taille du texte
Diminuer la taille du texte
Partager
