L'ODJ Média





Care Week: what is Prosopagnosia" that Brad Pitt suffers from


مرحبا بيكوم مستمعي إذاعة L’ODJ RADIO ففقرة care week، الفقرة لمن خلالها كنرافقكوم أنا عائشة بوسكين على مجموعة من المواضيع ليكتهم الصحة الجسدية أو النفسية ديالكوم.



كيف سبق أو أشرنا البارح ففقرة Noujoum Week أن الممثل الأمريكي  Brad Piit يعاني من مرض سبب ليه مجموعة من المشاكل الاجتماعية ، فشناهو هاد المرض، أو شناهوما الأسباب والأعراض ديالو ؟
عمى الوجوه،Face Blindness، أو Prosopagnosia : هو اضطراب في الدماغ يتميز بعدم القدرة على التعرف على الوجوه أو التمييز بينها، يعاني الأشخاص المصابون بعمى الوجه من صعوبة بملاحظة الاختلافات في وجوه الغرباء، وقد يجد البعض صعوبة في التعرف على الوجوه المألوفة، ويتواجد هاد الاضطراب عند 3 فالمية من سكان العالم.
فيما يتعلق بالأعراض ديالو الأكثر شيوعا، فتتجلى في عدم القدرة على التعرف على وجوه الأشخاص فسياقات وأماكن مختلفة على اللي مولفين يشوفوهوم فيهم ، أو كتنقسم درجة عمى الوجوه لصنفين، الدرجة المتوسطة وهي اللي مكيقدرش فيها الشخص المصاب التعرف على وجوه الناس اللي غرابين عليه، والدرجة الشديدة هي تلك الحالة اللي ماكيقدرش فيها المريض التمييز حتى فوجوه الأشخاص المقربين منو جدا كالأصدقاء وأفراد العائلة.
مسببات هاد المرض كتكون غالبا ناتجة عن تشوهات فواحد المنطقة من الدماغ تسمى التلفيف المغزلي الأيمن، وهي المنطقة المسؤولة على تنسيق الأنظمة العصبية اللي كتخلي لينا ذاكرة الوجه وإدراكو قوية. 
للأسف مستمعينا لا يوجد لحد الساعة علاج لهاد المرض، لذلك فالأشخاص المصابين بيه كيحاولو ما أمكن يلقاو طرق بديلة باش يتعرفو على الأشخاص فحال طريقة المشي و الصوت أو كذلك الرائحة، فإذا كان مستمعينا شي حد من الناس اللي كتعرفو مصاب بيه عذرهوم أو ما تخليوش هاد المرض يأثر على علاقتكوم الاجتماعية بيهوم.

أو ف la santé mentale غنسلطو الضوء على واحد الاضطراب اللي كان شحال هادي مسكوت عنو خاصة فالدول النامية واللي النسبة ديالو فيها حاليا حسب منظمة الصحة العالمية هي 20 فالمية، اكتئاب ما بعد الولادة أو مايعرف ب PPD Postpartum Depression، المرض القاتل الصامت اللي خلا الاستهتار بيه فالحالات الشادة جدا  مجموعة من النساء تنتاحر أو تقتل حتى الرضيع ديالها.
إليكم مستمعينا أعراض هاد الاضطراب والأسباب ديالو أو الطرق للوقاية منو.
اكتئاب ما بعد الولادة هو اضطراب في المزاج كيصيب الأم بعد ولادة الطفل ديالها، بحيث أنها كتبان عليها أعراض الحزن الشديد والقلق المفرط والإرهاق الجسدي و النفسي ، وكتجيها هلوسات اللي كتخلي من الصعب عليها تقدم الرعاية اليومية اللازمة لطفلها أو حتى لراسها.
الأسباب ديالو متعددة وأولها انخفاض هرمونات الإستروجين والبروجيسترون بعد الولادة،  الشيء اللي كيؤدي  لتغييرات في كيمياء المخ وبالتالي كيتزادو Mood swings، ثانيا  وجود سيرة مرضية للإصابة بالاكتئاب خلال الحمل الحالي أولا في حمل سابق، أو كتزاد خطورة هاد الاضطراب فحالة الأمهات اللي deja  عندهوم تاريخ مع الاكتئاب و دازو مسبقا من صدمات نفسية و عاطفية.
لذلك مستمعينا فسبل الوقاية من هاد الاكتئاب، كتمثل فالاستشارة النفسية المسبقة و المستمرة  في فترة الحمل وبعد الولادة، مع مراعاة المحيط الاجتماعي لهاد الحالة خاصة الزوج و الأسرة اللي خاصهوم يكونو إيجابيين ما أمكن فالتعامل مع هاد الحالة.
بهاذا مستمعينا كنكونو وصلنا لنهاية فقرة care week، نضرب ليكوم موعد la semaine prochaine أو مع طاقة إيجابية جديدة، هادشي كامل على أثير إذاعة  l'ODJ Radio. 


Mardi 28 Juin 2022



Rédigé par le Mardi 28 Juin 2022
Aicha Bouskine
صحافية خريجة المعهد العالي للإعلام والاتصال،باحثة في العلوم السياسية وصانعة محتوى في السوشل ميديا En savoir plus sur cet auteur


Dans la même rubrique :
< >

Mardi 26 Mars 2024 - 16:34 Zut ... Fumer fait grossir aussi !

Lifestyle | Chroniqueurs invités | Breaking news | Portfolio | Room | L'ODJ Podcasts - 8éme jour | Les dernières émissions de L'ODJ TV | Communiqué de presse | Santé & Bien être | Sport | Culture & Loisir | Conso & Environnement | Digital & Tech | Small Business | Home sweet Home | Auto-moto | Formation & Emploi | Musiczone | Chroniques Vidéo | Les Chroniques Radio | Bookcase | L'ODJ Média



Les informations de ce portail sont publiées à titre purement informatif et ne peuvent être considérées comme des conseils médicaux personnalisés. Aucun traitement ne devrait être entrepris en se basant uniquement sur le contenu de ces articles, et il est fortement recommandé au lecteur de consulter des professionnels de santé dûment homologués auprès des autorités sanitaires pour toute question relative à leur santé et leur bien-être. L’éditeur n’est pas un fournisseur de soins médicaux homologués. L’éditeur de ce portail d'information ne pratique à aucun titre la médecine lui-même, ni aucune autre profession thérapeutique, et s’interdit formellement d’entrer dans une relation de praticien de santé vis-à-vis de malades avec ses lecteurs. Aucune des informations ou de produits mentionnés sur ce site ne sont destinés à diagnostiquer, traiter, atténuer ou guérir une maladie.


A mag created with Madmagz.








Recherche


















Revue de presse









Le bouquet L'ODJ : Web Radio    , Portail Web   , Application Mobile   , Magazine connecté   , e-Kiosque PDF  , Régies Arrissala


Menu collant à droite de la page